Festival de cine

 Hoxe os nosos trapalleiros visitaron o cine de Leiro para ver o festival de cine deste ano, no que eles reprasentaron “La tempestad” da man do mestre Álvaro.

E á volta ó colexio puideron presenciar a graduación do alumnado que cambia de etapa.

Entrega de penso e móbiles

 Na mañá de hoxe tivo lugar a entrega do penso e dos teléfonos móbiles que se recolleron nas últimas semanas.

En total enviamos 40 móbiles ao instituo Jane Goodall para contribuír á súa labor en defensa dos chimpancés; e 477kg de penso á protectora de animais Arume para axudar a alimentar a todos os animais dos que alí se encargan.

Desde o colexio agradécese profundamente a xenerosidade de toda a comunidade educativa.

Traballos de lectura (xuño)

 O curso vai chegando ao seu fin e os nosos trapalleiros adiantaron a entrega dos seus traballos de lectura do mes de xuño.

Aquí deixamos unhas imaxes das súas creacións:

Os riscos de internet

 Hoxe tivemos a ocasión de recibir unha charla sobre os riscos de internet, levada a cabo por Roberto, un integrante do corpo da Garda Civil.

Aprendimos cousas que descoñecíamos e que nos permiten ser conscientes do expostos que estamos cada vez que usamos un dispositivo con conexión a internet: a información que se recolle sobre nós sen que sexamos conscinetes, a pegadas que deixamos cando usamos unha rede social, como ao outro lado da pantalla pode haber unha persoa descoñecida facéndose pasar por un amigo/a...

Foi realmente interesante e seguro que nos axuda a evitar poñernos en risco tanto no presente coma no futuro.

Traballos de lectura (maio)

 Hoxe, co remate do mes de maio, recibimos os últimos traballos sobre os libros que os nosos trapalleiros leron durante este último mes.

O nivel non para se subir, e é que con cada nova entrega vemos como os traballos son cada vez mellores e as ideas cada vez máis orixinais e variadas.

Menudos/as artistas!!!

Celiaquía

 Esta mañá os nosos trapalleiros tiveron a oportunidade de coñecer a celiaquía gracias á charla que nos veu dar Damaris.. Aprenderon cousas como:

• O que é.
• Como se detecta.
• Os síntomas que produce.
• O que causa en quen a padece.
• A quen pode afectar.
• Como actuar se somos celíacos ou se coñecemos a alguén con celiaquía.
• Como recoñecer os produtos sen glute.
• A importancia de evitar a contaminación cruzada.
• E moitas máis cousas.

Ademais tiveron a oportunidade de poñerse a proba con algunhas cuestións que se lles plantexaron, así como de preguntar dúbidas.

Foi unha conversa realmente interesante.

Revista do 3º trimestre

 Para a revista do último trimestre a clase de 3º e 4º preparou dous traballos conxuntos relacionados co Camiño de Santiago, centro de interese do centro para este curso 20/21.

O primeiro deles foi un conto que foron escribindo por fragmentos. Cada neno e nena escribía unha parte da historia que continuaba o que escribiran os/as compañeiros/as anteriores, e debía deixar a historia aberta para que o/a seguinte a continuase. Ao final retocámola para corrixir e matizar algunhas cousas e o resultado final foi o que veredes na revista a final de curso.

O segundo dos traballos foi unha redacción explicando o Camiño de Santiago, destacando as súas orixes e as diferentes rutas que existen a día de hoxe. Neste caso cada neno e nena realizou unha búsqueda e aportou a información atopada, para finalmente e tendo en conta todas as aportacións, construír o texto final.

Ademais, todos/as realizaron unha proposta de ilustración para acompañar os traballos. De maneira “anónima” fixemos unha votación e seleccionamos as que finalmente aparecerán na revista, posto que non as podiamos incluír todas. Iso si, todos/as fixeron un gran traballo.

Nerviosos por ver o resultado final?? Nunhas semaniñas terédelo nas vosas mans!!