Dicímoscho nós. 5ª entrega (un pouco de vocabulario)

 Rematamos a nosa experiencia con este "Dicímoscho no´s" con un pouco de vocabulario.

Johanyelis e Oliver explícannos o significado dalgunhas palabras que podemos confundir por influencia do castelán.

Dicímoscho nós. 4ª entrega (a escritura dos numerais cardinais)

 É habitual ver que se dubida á hora de escribir algúns números. Escríbese xunto? Escríbese separado?

Gabriela e Alejandro explícannos como facelo para non equivocarnos nunca, e póñennos algúns exemplos para que o teñamos totalmente claro.

Dicímoscho nós. 3ª entrega (pronuncia da letra x)

 Seguro que algunha vez coñecistes a alguén que non era capaz de pronunciar o son da nosa letra "x".

Pois neste capítulo Breixo e Ari dannos algún truquiño para poder facelo sen dificultade.

Dicímoscho nós. 2ª entrega (as letras "b" e "v")

 Neste novo capítulo do "Dicímoscho nós", Sergio e María explícannos que debemos ter coidado coa ortografía. 

En Galicia temos unha gran influencia do castelán, e iso pódenos levar a cometer erros, por exemplo, coas letras "b" e "v", xa que hai moitas palabras que se pronuncian igual nas dúas linguas pero que se representan graficamente con distinta letra.

Aquí vemos algúns exemplos:

Dicímoscho nós, 1ª entrega (a norma do h)

 Hoxe presentamos un dos nosos últimos traballos.

Levamos un tempo traballando nesta actividade e por fin a podemos presentar. Trátase da nosa propia versión do “Dígocho eu” da TVG, e en honra ao orixinal decidimos chamarlle “Dicímoscho nós”.

A primeira entrega corre a cargo de Noelia e Gabriel e explícannos que o galego pode ser útil incluso para a ortografía doutras linguas, neste caso para o uso da h nalgunhas palabras do castelán.