Graduación

 E aproveitamos o día de festa para despedir tamén ao noso alumnado de 6º deste ano. Nesta ocasión son soamente 3 nenos/as (Ari, Noelia e Alejandro), pero que 3!!! Forman un grupo excepcional e moi querido por todo o colexio.

Ademais, aproveitouse o día festivo para facer entrega dos premios do festival de cine, onde Ari gañou un dos premios; do premio a Lucía polo conto sobre protección de datos; e dos premios do concurso de fotogracía da ANPA, no que Lucía e Marta gañaron un premio.

E para rematar Alejandro, Ari e Noelia fixeron unha pequena representación de despedida.

Moitísima sorte na vosa nova etapa!!!

Vídeo: Despedida 6º

Día do libro

 Para celebrar o día do libro deste ano realizáronse varias actividades:

Primeiro Isaac falounos das abellas e fíxoo xenial.

Despois os nenos e nenas de 5º e 6ª fixeron un teatro de sombras para contarnos algúns contos.

E finalmente celebramos a feira do libro.

Insua dos poetas

 Hoxe, no día da árbore e da poesía, visitamos a Insua dos Poetas para participar no tradicional acto que se celebra alí tal día coma hoxe.

Ademais de presenciar as actuacións dos demais colexios e institutos, recitamos algúns poemas de Xosé Luna. Presenciamos a inauguración dos murais dos 4 poetas aos que se adicaba a xornada de hoxe, e axudamos a plantar unha árbore.

8M. Día da muller

 Hoxe celebramos o día da muller coa visita de Alba, unha contacontos que nos narrou a historia de Eulalia, unha nena da nosa idade.

E ao final fixemos un pequeno xogo de debate.

Ademais nos últimos días estivemos preparando un traballo: “A muller da miña vida”.  Con esta actividade pensamos nunha muller (ou nena) que nos transmitise algunha emoción positiva e que fose importante para nós, debuxámola e explicamos os nosos motivos para escollela.

23 de febreiro, día de Rosalía

 Hoxe celebramos o día de Rosalía de Castro.

Comezamos vendo uns vídeos sobre ela, seguimos facendo un recitado dalgúns dos seus poemas e rematamos decorando marcapáxinas e retratos dela.

Entroido na residencia da 3ª idade e mochila viaxeira

 E agora xa si que si puxemos fin ás nosas celebracións de entroido.

Hoxe camiñamos ata a residencia da 3ª idade para facer unha visita aos internos e internas e bailar con eles e elas.

E coma sempre, portáronse xenial con nós, regaláronnos lambetadas e Xesús tíñanos preparado un novo poema.

Ademais no día de hoxe fixemos relevo da mochila viaxeira sendo a quenda, nas dúas próximas semanas, de Alejandro e Andreas.

Entroido no Irixo e visita de Lucía

 Hoxe celebramos o entroido cos disfraces que fixemos no cole.

Comezamos o día vestíndonos e maquillándonos para baixar camiñando ata a praza do Concello. Alí esperaban as familias e unha festa con música, xogos, caramelos e biscoitos. Pasámolo xenial!!

Á volta ó cole fixemos unha pausa para xantar e pola tarde rematamos o día decorando comadres e compadres e correndo uns tras outros para roubalos.

Ademais hoxe recibimos a visita de Lucía, que mañá voltará ao cole tras o susto que nos levamos o luns, e que hoxe estivo con nósna festa do Concello. E encantounos tela con nós de novo.

Pero isto non remata aquí, xa que mañá desfilamos ata a residencia da 3ª idade, nesta ocasión disfrazados libremente.

Entroido 2023 conxunto

 Remataron as ordes do Meco por todo o alto, cos nenos e nenas do colexio disfrazados como auténticos velliños e velliñas.

Pero o entroido continúa e mañá será o día do noso desfile cos disfraces elaborados no colexio coa colaboración tanto de alumnado como de profesorado.

Dado que o centro de interese do colexio este ano son as emocións, escollimos disfrazarnos das personaxes do conto de Monstruo de cores, no que cada cor representa unha emoción.

Os nenos e nenas de infantil serán a rabia (vermello); os de 1º serán a calma (verde); os de 2º e 3º serán a alegría (amarelo); os de 4º serán o amor (rosa); e nós, os de 5º e 6º seremos a tristeza (azul).

Cal das cores será a máis bonita?

Mañá baixaremos camiñando ata a praza do concello, onde nos reuniremos ás 11:30 coas familias e veciños para celebrar o entroido todos xuntos.

E pola tarde correremos as comadres e os comprades.

Meco mércores 15

 Tras o día do xénero intercambiado, chega a 4ª e última orde do Meco, que nesta ocasión é a de vestirnos de vellos e vellas.

Ata o momento vimos disfraces realmente bonitos e orixinais. Que nos deparará o día mañá??

Meco, orde para o martes

 Seguimos coa semana de entroido e hoxe, no día das nacionalidades, tivemos mexicanos, hawaianos, chinos… 

Pero isto non para e xa temos nova orde. Mañá, martes, temos que vestirnos de xéneros intercambiados.

Quen construirá o “look”máis divertido??

Disfraz de científicos e Meco do luns 13

 Comezou o entroido no colexio do Irixo cos disfraces de científicos aproveitando para conmemorar o día da muller científica.

Ademais, temos xa nova orde, e o luns tocará ir ao cole disfrazados representando algunha nacionalidade diferente á nosa.

Quen será o alumno/a máis orixinal??

Meco venres 10

Chega o entroido e con el Meco e as súas ordes.

Este ano cambiamos un pouco a dinámica e realizaremos disfraces completos, pero coa intención de usad material e complementos que teñamos na casa no canto de mercalos.

Mañá comezamos e aquí deixamos a primeira indicación.

Quen será o máis orixinal??

Día da PAZ

 Hoxe pola tarde celebramos o DÍA DA PAZ.

Os nenos e nenas de infantil dixéronnos como se pronunciaba a palabra “paz” en diferentes idiomas; os/as de 1º e 2º recitaron un poema da paz; os/as de 3º/4º contáronnos un conto moi bonito; e nós falamos de diferentes paises ou rexións do mundo.

Tamén cantamos unha canción, bailamos, decoramos paraugas cos que fixemos unha foto facendo a forma do símbolo da paz…

E o máis importante, aprendimos a importancia da convivencia, o respecto, a amistade…