Bo Nadal

 Hoxe retomamos a tradicional visita á residencia Pena da Sela. Que gañas tiñamos de poder volver.

Alí fixemos os bailes da obra de Shrek, cantamos a versión de Aleluia que todos ensaiamos con Ana, e rematamos a festa con panxoliñaa tradicionais.

Ademais Xesús leunos un dos seus poemas. Era precioso e estaba de cheo de consellos para nós.

Pero antes de marchar fixemos un pequeno intercambio de agasallos. Nós entregamos unha postal a todas as persoas da residencia (traballadores/as e internos/as). E desde a residencia convidáronnos a caramelos e entregáronnos unha pancarta preciosa de “Feliz Navidad”.

No entroido volveremos a visitalos!!

E antes de rematar o día… festa de fin de ano no comedor, con uvas, champín, música, bailes…

Foi un gran día.

Shrek. Festival de Nadal

 O Nadal está a piques de comezar e nós xa celebramos a súa inminente chegada. Hoxe fixemos o noso festival de Nacal.

Tras 2 anos sen poder celebrar o tradicional festival do cole, hoxe puidemos volver a xuntarnos todos, alumnado e familias, e desfrutar xuntos.

Este ano decidimos representar unha adaptación de Shrek, unha historia de amizade e lealtade, de amor e respecto… en definitiva, unha historia chea de valores positivos acordes ao que nos gusta transmitir aos nosos alumnos/as.

Agardamos que a representación fose do agrado de todas as familias. Todo o alumnado do colexio fixo un gran traballo, e velos sorrir e desfrutar do traballo, é a nosa mellor recompensa.

Noraboa a todos os actores e actrices, balaríns e bailarinas… fixeron un graaaan traballo.

Visita de Pablo Nogueira

 Estamos tendo un fin de trimestre cargado de acontecementos, e hoxe recibimos a Pablo Nogueira, autor de varios contos que foron lidos nas diferentes aulas.

Os nenos e nenas de 5º e 6º limos “O coleccionista de selos” coa profe Ana. E  outras clases leron contos de “Nube Branca”.

Gustounos moito recibir a súa visita, e como agradecemento preparámoslle un pequeno agasallo.

Cumprenos de Andreas

 A punto de rematar o trimestre, hoxe tivemos día de celebración. Andreas cumpre anos e invitounos a uns ricos caramelos para celebralo.

Moitas felicidades, Andreas!!

Traballos de lectura (decembro)

 Hoxe chegaron os traballos dos libros de lectura do mes de decembro.

Continuamos desenvolvendo traballo de lectoescritura, fomentando a imaxinación e a orixinalidaxe. E como se pode ver, seguimos recibindo grandísimos traballos.

Mochila viaxeira

 Para rematar a primeira ronda de viaxes ás casas dos nosos trapalleiros, as mochilas viaxeiras visitan a Lucía e a Marta.

Na segunda ronda, e dado que temos 2 mochilas diferentes, cada alumno desfrutará da mochila que aínda non levou á casa.