Hoxe recibimos a visita de dúas persoas da DXT e dous gardas civís de tráfico. Con eles aprendimos algunhas normas de educación viaria que nos afectan na nosa vida cotiá como peóns, ciclistas ou usuarios de patinetes. E rematamos a xornada cun pequeno circuito de habilidades con bicicletas e patinetes e montándonos nas motos da Garda Civil. Ademais deixáronnos aceleralas e tocar as sereas. E tamén recibimos un pequeno obsequio. Foi xenial!!
Chegaron os traballos dos libros de lectura deste mes. Nesta ocasión non tivemos ningún vídeo, pero si algún traballo autenticamente chamativo e fantástico.
Hoxe celebramos o día de Rosalía de Castro.
Comezamos vendo uns vídeos sobre ela, seguimos facendo un recitado dalgúns dos seus poemas e rematamos decorando marcapáxinas e retratos dela.
E agora xa si que si puxemos fin ás nosas celebracións de entroido.
Hoxe camiñamos ata a residencia da 3ª idade para facer unha visita aos internos e internas e bailar con eles e elas.
E coma sempre, portáronse xenial con nós, regaláronnos lambetadas e Xesús tíñanos preparado un novo poema.
Ademais no día de hoxe fixemos relevo da mochila viaxeira sendo a quenda, nas dúas próximas semanas, de Alejandro e Andreas.
Hoxe celebramos o entroido cos disfraces que fixemos no cole.
Comezamos o día vestíndonos e maquillándonos para baixar camiñando ata a praza do Concello. Alí esperaban as familias e unha festa con música, xogos, caramelos e biscoitos. Pasámolo xenial!!
Á volta ó cole fixemos unha pausa para xantar e pola tarde rematamos o día decorando comadres e compadres e correndo uns tras outros para roubalos.
Ademais hoxe recibimos a visita de Lucía, que mañá voltará ao cole tras o susto que nos levamos o luns, e que hoxe estivo con nósna festa do Concello. E encantounos tela con nós de novo.
Pero isto non remata aquí, xa que mañá desfilamos ata a residencia da 3ª idade, nesta ocasión disfrazados libremente.
Remataron as ordes do Meco por todo o alto, cos nenos e nenas do colexio disfrazados como auténticos velliños e velliñas.
Pero o entroido continúa e mañá será o día do noso desfile cos disfraces elaborados no colexio coa colaboración tanto de alumnado como de profesorado.
Dado que o centro de interese do colexio este ano son as emocións, escollimos disfrazarnos das personaxes do conto de Monstruo de cores, no que cada cor representa unha emoción.
Os nenos e nenas de infantil serán a rabia (vermello); os de 1º serán a calma (verde); os de 2º e 3º serán a alegría (amarelo); os de 4º serán o amor (rosa); e nós, os de 5º e 6º seremos a tristeza (azul).
Cal das cores será a máis bonita?
Mañá baixaremos camiñando ata a praza do concello, onde nos reuniremos ás 11:30 coas familias e veciños para celebrar o entroido todos xuntos.
E pola tarde correremos as comadres e os comprades.
Tras o día do xénero intercambiado, chega a 4ª e última orde do Meco, que nesta ocasión é a de vestirnos de vellos e vellas.
Ata o momento vimos disfraces realmente bonitos e orixinais. Que nos deparará o día mañá??
Seguimos coa semana de entroido e hoxe, no día das nacionalidades, tivemos mexicanos, hawaianos, chinos…
Pero isto non para e xa temos nova orde. Mañá, martes, temos que vestirnos de xéneros intercambiados.
Quen construirá o “look”máis divertido??
Comezou o entroido no colexio do Irixo cos disfraces de científicos aproveitando para conmemorar o día da muller científica.
Ademais, temos xa nova orde, e o luns tocará ir ao cole disfrazados representando algunha nacionalidade diferente á nosa.
Quen será o alumno/a máis orixinal??
Nova saída da mochila viaxeira, e nesta ocasión son Noelia e Yanira as que van ter a oportunidade de desfrutala.
O curso chegou ao seu fin e hoxe pechámolo cun divertido día no que preparamos varias actividades: Entre de libros: desde a biblioteca obs...
