E agora, si que si, o curso 21/22 chegou ao seu fin. E rematou por todo o alto, cuna excursión de tres días na que os nosos nenos e nenas o pasaron en grande. Fixeron kayak, padel surf, snorkel, tirolina, rocódromo, xogos na praia, construcción dun vivac no monte… Ademais fixeron novos amigos, de coles de Baiona e da Estrada.
Desexamos que todos/as desfruten dun merecido descanso e que pasen un gran verán. E por suposto, desexamos tooooda a sorte do mundo aos que marchan ao instituto.
Este final de curso está vindo cargado de bos ratos e tras a “guerra de pistolas de auga” e o festival de cine, pechamos a penúltima semana de clase desfrutando dunha divertida excursión na que os maiores fixemos tiro con arco e kayak, e rematamos comendo todos xuntos ao aire libre.
Pasámolo moi ben e xa estamos desexando que chegue o luns para iniciar a nosa aventura de 3 días no Grove.
Hoxe, no cine de Leiro, estreamos a nosa curtametraxe de Matilda xunto cos traballos do resto das clases.
Se queredes vela de novo podedes premer aquí ou na imaxe para acceder a ela.
Agardamos que desfrutedes moito dela.
Hoxe tivemos a visita de Bea, da protectora de animais “Arume”, que veu ata o colexio para recoller o penso doado polo noso alumnado e as súas familias e para gradecer a súa colaboración, ademais de resaltar a importancia do coidado e o respecto polos animais.
Este ano conseguíronse uns 300kg de comida, que foron transportados ata o coche de Bea cunha cadea humana formada por todo o alumnado do cole.
Moitas gracias pola vosa colaboración e a vosa solidariedade!!
Coa chegada das vacacións o alumnado do colexio recibirá novamente unha libreta para que utilicen a modo de diario durante o verán e así, tras o merecido descanso, nos poidan contar a todos as súas aventuras máis divertivas.
Hoxe tivemos un día especial no colexio. Co achegamento do final do curso os colaboradores da biblioteca recibiron un libro, previamente escollido por eles, como agasallo como agradecemento polo seu traballo.
Por outra parte, e para rematar o día, recibimos a visita da agrupación Stop Accidentes, da DGT, sobre seguridade viaria.
Rematamos a nosa experiencia con este "Dicímoscho no´s" con un pouco de vocabulario.
Johanyelis e Oliver explícannos o significado dalgunhas palabras que podemos confundir por influencia do castelán.
O curso chegou ao seu fin e hoxe pechámolo cun divertido día no que preparamos varias actividades: Entre de libros: desde a biblioteca obs...
