Último día no colexio

 O curso chegou ao seu fin e hoxe pechámolo cun divertido día no que preparamos varias actividades:

1. Entre de libros: desde a biblioteca obsequiouse ao alumnado colaborador dos recreos na biblioteca cun libro que eles mesmos escolleron, e hoxe tivo lugar a entrega dos libros e duns diplomas acreditativos.
2. Merendola para todo o alumnado: preparamos un aperitivo para todo o colexio, con snacks variados, sandwiches de nocilla, zumos e refrescos.
3. Cadea humana para a entrega do penso recollido: recibimos a unha integrante da protectora de animais e entregámoslle o penso coa xa tradicional cadea humana ata o seu coche.
4. Festa da auga: o alumnado que así o desexou, levou ao colexio pistolas de auga para realizar unha pequena batalla pasada por auga. Fixemos tres grupos (infantil; 1º e 2º; e 3º, 4º, 5º e 6º). Todos se mollaron, pero os maiores acabaron pingando, pero pasárono en grande.
5. Despedida final do alumnado de 6º: para rematar, á saída do comedor, fixemos un túnel para despedir a Ari, Noelia e Alejandro e desexarlles un gran verán e toda a sorte do mundo para o próximo curso.

Excursión ás Illas Cíes

 Hoxe fixemos a última excursión do curso. Visitamos as Illas Cíes. 

Para comezar collimos o barco en Baiona para chegar á illa. Unha vez alí merendamos e fixemos unha pequena ruta sendeirista para coñecer un pouco a illa.

Despois voltamos á praia para xantar e desfrutar dun rato de baño.

E por último, fixemos un xogo co monitor que nos acompañou antes de coller novamente o barco.

Foi un día intenso e divertido. 

Graduación

 E aproveitamos o día de festa para despedir tamén ao noso alumnado de 6º deste ano. Nesta ocasión son soamente 3 nenos/as (Ari, Noelia e Alejandro), pero que 3!!! Forman un grupo excepcional e moi querido por todo o colexio.

Ademais, aproveitouse o día festivo para facer entrega dos premios do festival de cine, onde Ari gañou un dos premios; do premio a Lucía polo conto sobre protección de datos; e dos premios do concurso de fotogracía da ANPA, no que Lucía e Marta gañaron un premio.

E para rematar Alejandro, Ari e Noelia fixeron unha pequena representación de despedida.

Moitísima sorte na vosa nova etapa!!!

Vídeo: Despedida 6º

Corto As Bruxas (Roald Dahl)

 Hoxe estrenamos a curtametraxe que preparamos para o Festival de Cine deste curso.

Nesta ocasión fixemos unha adaptación do libro infantil "As bruxas", de Roald Dahl.

Os nenos e nenas fixeron un traballo fantástico para que o resultado final fose o mellor posible. Agardamos que vos guste.

AS BRUXAS

Excursión fin de curso

 Hoxe os trapalleiros comezaron a súa excursión de fin de curso e foron despedidos na entrada do cole antes do marchar.

Desfrutade moito!!

Musilandia

 Hoxe visitamos o auditorio do Carballiño para asistir a Musilandia, un concerto didáctico no que aprendimos as diferentes categorías de instrumentos musicais e coñecimos algúns deles: frauta, saxofón, trompeta, trombón, piano, violín, marimba… Foi moi divertido e orixinal.

Traballos de lectura

 Chegaron os traballos sobre os últimos libros de lectura do curso 22/23.

O esforzo dos nenos e nenas ao longo do curso foi incrible e así se demostra con cada manualidade entregada.