Hoxe, co remate do mes de maio, recibimos os últimos traballos sobre os libros que os nosos trapalleiros leron durante este último mes.
O nivel non para se subir, e é que con cada nova entrega vemos como os traballos son cada vez mellores e as ideas cada vez máis orixinais e variadas.
Menudos/as artistas!!!
Para a revista do último trimestre a clase de 3º e 4º preparou dous traballos conxuntos relacionados co Camiño de Santiago, centro de interese do centro para este curso 20/21.
O primeiro deles foi un conto que foron escribindo por fragmentos. Cada neno e nena escribía unha parte da historia que continuaba o que escribiran os/as compañeiros/as anteriores, e debía deixar a historia aberta para que o/a seguinte a continuase. Ao final retocámola para corrixir e matizar algunhas cousas e o resultado final foi o que veredes na revista a final de curso.
O segundo dos traballos foi unha redacción explicando o Camiño de Santiago, destacando as súas orixes e as diferentes rutas que existen a día de hoxe. Neste caso cada neno e nena realizou unha búsqueda e aportou a información atopada, para finalmente e tendo en conta todas as aportacións, construír o texto final.
Ademais, todos/as realizaron unha proposta de ilustración para acompañar os traballos. De maneira “anónima” fixemos unha votación e seleccionamos as que finalmente aparecerán na revista, posto que non as podiamos incluír todas. Iso si, todos/as fixeron un gran traballo.
Nerviosos por ver o resultado final?? Nunhas semaniñas terédelo nas vosas mans!!
O día das Letras Galegas neste ano 2021 están dedicadas a Xela Arias.
Con motivo deste día, e dado que non volvíamos ao cole ata o día 18, decidimos adiantar a celebración a hoxe, día 12.
Todas as aulas prepararon un rap relacionado coa conmemoración que nos ocupaba e coa autora homenaxeada. Acudimos ao polideportivo e alí cantámolos todos. Quedaron moooi chulos todos. E
Se pinchades na primeira imaxe poderedes ver a nosa actuación.
Rematado o mes de abril, os/as trapalleiros/as trouxeron os seus traballos sobre o libro que escolleron e leron neste último mes.
Como é xa costume, tiveron algunhas ideas magníficas e tremendamente orixinais.
Aquí deixamos unha mostra de todos eses traballos.
Na mañá de hoxe tivemos a oportunidade de asistir a unha charla sobre discapacidade na que tivemos a oportunidade de aprender novas cousas sobre os diferentes tipos de discapacidade, o que estas supoñen... e sobre todo a poñernos na pel de quen as sofre. Para iso, ademais das explicacións e a aclaración de dúbidas, subímonos a unha cadeira de rodas e movímonos un pouco con ela. Desta maneira comprendimos un pouco mellor algunhas das dificultades que afrontan as persoas que viven ligados a unha destas cadeiras, así como a importancia que ten este instrumento para elas.
Foi unha actividade moi interesante.
Onte celebramos a festa dos Maios no colexio cantando as coplas que se prepararon en cada clase.
Os nosos trapalleiros cantaron a súade maneira conxunta:
O curso chegou ao seu fin e hoxe pechámolo cun divertido día no que preparamos varias actividades: Entre de libros: desde a biblioteca obs...
