Día de Rosalía

Como conmemoración do día de Rosalía De Castro os nosos trapalleiros recitaron un dos poemas máis famosos da autora: "Adiós ríos, adiós fontes". Aínda que o adaptamos un pouco, eliminando algunha estrofa para deixalo en 11, as mesmas que os Trapalleiros que temos na aula.

Na clase falamos un pouco dela, para que entenderan a importancia que tivo na literatura galega e por que é tan recoñecida tanto a nivel autonómico como nacional.

Ademais, pintaron un debuxo co seu retrato e escribiron debaixo a súa estrofa. 

O resultado é o reflectido neste vídeo:

Adiós ríos, adiós fontes 

Por outro lado, durante o día de hoxe, participaremos na elaboración dun mural escolar dedicado a Rosalía.

Pequenos artistas: A FLOR

 Antes do Entroido, propuxemos aos nosos trapalleiros un traballo sobre a flor. Debían utilizar materiais alternativos, é dicir, ir máis alá do papel e as pinturas.

Nesta clase contamos cuns nenos e nenas totalmente participativos neste tipo de actividades. Gústalles moito facer o que eles/as denominan “deberes divertidos”. E a verdade é que cada vez que fan algo, quefdamos coa boca aberta.

Pois ben, como habitualmente, hoxe soprendéronnos con algunhas das súas creacións. E é que todas elas foron fantásticas, pero nesta ocasión queremos destacar dúas delas. 

E por suposto, queremos animalos/as a seguir traballando do mesmo xeito.

 

Venres de Entroido

 Non foi posible facer unha festa ou un desfile de entroido como nos gustaría, pero desfrutamos do día igualmente.

Todos nos disfrazamos, vimos unha peli moi chula, fixémonos fotos, tivemos merenda libre... e ademais o desde o Concello do Irixo fixéronnos un regalo. Moitas gracias.

Por outro lado, a mochila viaxeira continúa o seu recorrido visitando unha casa tras outra!!

Entroido (Venres)

 Isto xa remata, 

que mágoa que chegue esta data.

Pero ímolo celebrar

podéndonos disfrazar

da nosa personaxe favorita

e cunha festa ben bonita.

O noso Entroido chega mañá ao seu fin, e a pesar das restriccións sanitarias, o noso alumnado esta descrutando moito e pasándoo fenomenal.

Desfrutade moito do último día e das mini vacacións, e voltade coas pilas ben cargadas!!

Entroido (Xoves)

Xa vamos para o cuarto día

e seguimos cheos de alegría,

o Meco sigue mandando

e nós, por suposto, inventando.

Que nos toca mañá?

Le a ver, non sei que será!!

Entroido (Mérecores)

 O Meco non deixa de pedir

e un día máis volve esixir.

Esta vez quere cambiar

a zona do corpo que debemos adornar.

Que nos mandará esta vez?

Eu creo que está perdendo a lucidez.

Entroido (Martes)

 “O Meco quérese rir,

e hoxe vainos dicir

que se con el queremos xogar,

no seu entroido debemos participar

vestindo algo na cintura

con moita finura.

E por segundo día  consecutivo

a ver quen é o máis divertido”.

 

Entroido (Luns)

 Chega o entroido ás nosas vidas, e a pesar de que a COVID-19 sigue empeñada en poñérnolo difícil, non imos permitir que nos impida desfrutar. Iso si, con toda a precaución que a situación require.

E dado que non poderemos facer un desfile, tal e como esta previsto e nos gustaría, os nosos nenos e nenas poderán participar do entroido cumprindo coas ordes do Meco.

Comezamos o luns e...

 “Que deberemos facer?

A ver se nos vamos esquecer.

Le as ordes do Meco con atención,

e non te perdas a diversión.”

A mochila sigue viaxando

 Unha semana máis as mochilas continúan viaxando e visitando novos fogares.

A semana pasada foi o turno de Ari e Yanira. E hoxe levárona Noelia e Lara.

Seguro que len moito e desfrutan enormemente dos contidos da mochila!!

Celebración do Día da Paz

 Como xa vos comentamos, o venres pasado a chuvia impediunos celebrar o Día da Paz e deixounos á espera dun día un pouco máis soleado para poder recuperar as actividades que programáramos para ese día.

Por fin, hoxe o tempo deunos unha pequena tregua e non desproveitamos a ocasión.

Todas as clases saímos ao patio despois de comer. Alí fixemos diferentes alegatos pola paz, bailamos e xogamos.

Ademais, a nosa clase soltou un farolillo chino coa seguinte mensaxe, elaborada polos nosos trapalleiros:

    "A guerra non vale para nada. O amor vale máis ca o ouro".

A pena foi que facía algo de aire e decidiuse esperar a outro día para que o resto de clases puidesen lanzar os seus farolillos.

Pasámolo en grande!!!