Como xa vos comentamos, o venres pasado a chuvia impediunos celebrar o Día da Paz e deixounos á espera dun día un pouco máis soleado para poder recuperar as actividades que programáramos para ese día.
Por fin, hoxe o tempo deunos unha pequena tregua e non desproveitamos a ocasión.
Todas as clases saímos ao patio despois de comer. Alí fixemos diferentes alegatos pola paz, bailamos e xogamos.
Ademais, a nosa clase soltou un farolillo chino coa seguinte mensaxe, elaborada polos nosos trapalleiros:
"A guerra non vale para nada. O amor vale máis ca o ouro".
A pena foi que facía algo de aire e decidiuse esperar a outro día para que o resto de clases puidesen lanzar os seus farolillos.
Pasámolo en grande!!!
No hay comentarios:
Publicar un comentario