Como parte das actividades destinadas ao traballo do día da Paz que celebraremos este venres 29 de xaneiro, decidimos que cada aula preparase un saúdo. Debían escoller algún xesto que servise para saúdar ao resto do alumnado do cole e cada día da semana sería o turno dunha clase.
Tratábase dun acto simbólico de respecto que quixemos levar a cabo con orixinalidade, e para iso escollimos o noso particular saúdo realizando unha votación entre as diferentes propostas dos nosos Trapalleiros. E a verdade é que nos quedou moi chulo.
Hoxe foi o noso día. Tocounos a nós encargarnos de amosar o noso respecto a todos os compañeiros e compañeiras do cole, e así o fixemos. Ás 9:30, á hora de entrada, situámonos nunha zona de paso do patio, respectando a distancia de seguridade, e todo o mundo foi pasando por diante de nós para recibir a nosa benvida.
Mañá tocaralle a 1º e 2º. A ver que nos teñen preparado!!
No hay comentarios:
Publicar un comentario