Chega maio

 Chega o mes de maio e no cole celebrouse a festa dos maios. Coa axuda da profe Ana os nosos nenos e nenas prepararon e cantaron unha copla diante do maio do cole, elaborado por profes e alumnos/as.

Día do libro

 No día de hoxe celebrouse o día do libro e para conmemoralo desde o colexio organizouse a 2ª feira do libro, onde nenos e nenas tiveron a ocasión de intercambiarse libros, ademais de asistir a unha lectura por parte do alumnado de 5º e 6º.

Pero tamén se fixo un sorteo dun pequeno obsequio en cada clase, así como a entrega de premios do Talento Cativo 2022.

 

Traballos de lectura de abril

 Tras as vacacións de Semana Santa os nenos e nenas de 5º e 6º entregaron os seus traballos sobre os libros da biblioteca de aula que leron durante o último mes.

Coma sempre, desfrutamos de grandísimos traballos, con manualidades espectaculares. Tanto é así que actualmente temos unha exposición con algúns deles na entrada do cole desde o patio, onde todo o alumnado os pode ver e desfrutar.

Mochila viaxeira (11ª ronda)

 Hoxe foi o turno de Óliver para levar a mochila viaxeira, e con el rematamos o percorrido da segunda mochila por todas as casas dos nosos nenos e nenas, e a seguinte visita será xa con contidos renovados.

Traballos de lectura de marzo

Unha vez máis, aquí temos os traballos sobre os libros que cada neno/a escolleu no último mes.

Coma sempre, ademais da lectura e do traballo realizado sobre os contidos do libro, os nosos trapalleiros demostran ser auténticos/as artistas coas manualidades que presentan.

Aquí temos algúns dos seus traballos:

Día da poesía na Insua dos poetas

Hoexe tivemos a oportunidade de asistir á conmemoración do día da poesía, celebrada na Insua do poestas.

Compartimos o día con outros centros educativos da comarca e con numerosas personalidades da educación e a cultura.

Todos os centros escolleron a un representante para recitar un poema de Florencio Delgado Gurriarán. No noso caso o elixido foi Gabriel, que o fixo de marabilla.

Tamén vimos un pequeno concerto de música en galego sobre ritmos latinoamericanos.

E rematamos coa plantación dun ombú, unha árbore típica e representativa de Arxentina.

Adrmais, entregáronnos un libro a cada un de nós.

Contacontos

 Hoxe recibimos no colexio a visita dunha contacontos con motivo da celebración do día da muller do pasado 8 de marzo.

Contounos 4 contos que nos encantaron, e fixemos algunhas tarefas que nos axudaron a comprender mellor que o por que da celebración deste día.

Foi unha actividade moi interesante e divertida.