Día do libro

 Hoxe celebramos o día do libro, e para iso organizamos un intercambio de libros entre o alumnado do centro. Primeiro trouxeron un da casa, que estivo exposto durante toda a semana e finalmente, durante a mañá de hoxe, foron seleccionando o que querían levar a cambio. Ademais dos libros que aportou o alumnado, o colexio donou algún exemplar máis para que as posibilidades á hora de escollar foran máis amplas.

Tras este intercambio, realizouse un sorteo dun agasallo entre o alumnado participante na actividade.

E finalmente, limos un fragmento do Quixote. Cada neno e nena foi pasando a ler unhas liñas desta importante obra da literatura española.

Charla sobre a muller na ciencia e nas Tic’s

 No día de hoxe o alumnado do noso colexio tivo a oportunidade de asistir a unha videoconferencia sobre as mulleres na ciencia e nas tecnoloxías da información e da comunicación. Nela escoitaron a varias mulleres que desenvolven a súa labor profesional nestes campos tras estudiar diversas enxeñarías, como a aeroespacial ou a informática.

Con esta actividade ponse en valor a valía das mulleres nestes campos e anima a todas as nenas, e por suposto tamén aos nenos, a traballar para conseguir todo aquelo que desexen, sen importar estereotipos de ningún tipo.

Os nosos trapalleiros

 Como todos e todas sabedes, desde principio de curso bautizamos ao alumnado de 3º e 4º como "Os Trapalleiros".

Ademais, co paso do tempo, fomos poñendo algúns "motes trapalleirescos" a cada un/unha deles/as e prometimos facer a presentación oficial neste blog.

Pois ben, recén comezado o 3º e último trimestre, aquí van os nosos trapalleiros:

Traballos de lectura

 Os nosos trapalleiro son grandes lectores e para demostralo están elaborando uns traballos estupendos sobre os libros que len.

Que vos parecen?

Poema

Na revista deste 3º trimestre, os nenos e nenas de 4º de Primaria elaboraron uns magníficos poemas.

E o alumnado de 3º non quixo ser menos.

Aquí deixamos un deses poemas de 3º como mostra.

Día da muller

 Con motivo da celebración do día da muller os nosos nenos e nenas participaron nunha proposta da mancomunidade.

Este ano, a causa da Covid-19, non foi posible organizar actividades grupais, así que o traballo consistiu na visualización dun vídeo e a elaboración dun lema ou un debuxo relacionado co 8 de marzo.

O resultado foi marabilloso, con diseños realmente bonitos.

Noraboa a todos/as.

A mochila viaxeira remata a súa primeira etapa

 Esta semana rematamos a primeira ronda da mochila viaxeira. 

A partir de mañá iniciaremos unha segunda tanda de visitas aos fogares e todo o alumnado levará novamente a mochila, mais nesta ocasión os libros serán diferentes. Concretamente os trapalleiros de 3º levarán os que anteriormente levaron os de 4º e viceversa. Desta maneira todos e todas terán a ocasión de ler os memos libros que o resto da clase.