Monte vivo

 Entre os proxectos do centro, atópase un no que se pretende traballar o monte de maneira global.

Nesta actividade colaborará a totalidade do centro. Deste xeito, entre todos/as, poderemos abarcar multitude de elementos que rodean as nosos montes: a fauna, a flora, a influencia do ser humano...

Na clase de 3º e 4º encargarémonos de desenvolver os contidos referidos á flora. E para iso, os nosos nenos e nenas comezaron realizando un traballo de investigación sobre algunhas árbores autóctonas de Galicia.

A árbore favorita da clase foi o carballo, aínda que tamén se elixiron outras coma o castiñeiro, o loureiro ou o amieiro.

E como podemos ver na imaxe, algúns traballos foron realmente fantásticos. E ata nos trouxeron un carballo de verdade!!! Pero é que con artistas coma os nosos Trapalleiros o resultado soamente podía ser así.

Noraboa a todos/as polo voso traballo!!!

Mochila viaxeira

 Hoxe, venres 22 de xaneiro, damos comezo aos ciclos das mochila viaxeiras.

Trátase dunha iniciativa que persegue animar ao noso alumnado a descubrir o placer da lectura.

Os libros contan historias que lles axudarán tanto a coñecer o mundo que os rodea, como a afondar en si mesmos e nos seus sentimentos.

Nestas mochilas poderán escoller entre diferentes libros: de lingua galega, de lengua castellana, de lingua inglesa, cómics, libros de poesía... e ata un DVD ou un libro dirixido ás familias, para que elas podan participar e desfrutar tamén da actividade.

Pola súa parte, ao levar a mochila viaxeira, os nosos nenos e nenas comprométense a ler polo menos un dos libros que inclúe, a deixar as súas impresións reflectidas no diario da mochila e, por suposto, a coidala e devolvela nas mesmas condicións nas que a levaron.

E, finalemente, presentámosvos aos trapalleiros que deron comezo ás viaxes desta mochila, que foron: en 3º Antía e en 4º Sebas.

Desfrutade dela ao máximo!!! 

Festival

Como ben sabemos, hoxe rematamos o primeiro trimestre, e para celebralo non podía faltar o clásico festival de Nadal do cole. Aínda que este ano, a causa da COVID-19, vímonos na obriga de adaptar a maneira de levalo a cabo. Por iso, nesta ocasión foi un festival "multimedia" composto por dúas partes:

1. Festival de Nadal do cole: todas as clases montaron en vídeo a súa actuación arredor o camiño de Santiago e o luns 21, despois do xantar, visualizámolos de maneira simultanea pero cada clase na súa aula. (Enlace ao vídeo do festival)
2. Gala anticovid: Hoxe, martes 22, asistimos en directo e desde as aulas á Gala da comarca do Carballiño, onde participamos tanto coas clases de Primaria como coas de Infantil. (Enlace á Gala Anticovid)

Ademais, para poñerlle o punto final, no comedor desfrutamos da festa de fin de ano, con campanadas, contillón e brindis!!

E agora, é momento de descansar e recargar pilas, aínda que sen esquecer facer un pouquiño de traballo cada día para non perder completamente o ritmo.

Desfrutade moito do Nadal e vémonos no mes de xaneiro!!

Chegou o Nadal

 Chegou o día de dar as vacacións de Nadal ao noso alumnado tras uns meses moi intensos e de moito traballo.

Neles fixemos moitos exercicios, participamos en diferentes festas e conmemoracións, preparamos obras de teatro... E para poñerlle o mellor broche final, despedimos o ano 2020 co noso Belén particular e desexando que este ano, Papá Noel e os Reis Magos veñan cargados de moitos bos momentos, pero sobre todo, de moita normalidade, esa que tanto extrañamos e que estamos desexando que volva!!

Bo Nadal a todas as familias e os/as nosos/as nenos/as!!!

Agardámosvos en xaneiro coas pilas ben cargadas!!!

Traballos dos nenos e nenas de 4º

 A finais do mes de outubro os nosos nenos e nenas de 3º e 4º de primaria fixeron unhas redaccións relacionadas co Samaín.

As do alumnado de 3º poderanse ver mañá editadas na revista escolar, e as de 4º publicámolas hoxe neste blog, posto que eles/as participan na revista con outros traballos.

Desexamos que vos gusten as súas creacións.

Que estarían a facer os nosos nenos/as así vestidos?

 Esta semana os nenos e nenas de 3º e 4º andiveron polo cole dun lado para outro, arriba e abaixo... ían vestidos raros, algúns levaban picas de madeira... Que andarían a facer??

O próximo luns 21 descubrirémolo...

Neve no Irixo

 O venres, como se fose unha benvida á ponte que nos agardaba, chegou a neve ao colexio. Desde ben cedo, cando os nenos e nenas aínda non entreran á clase, comezamos a ver como caían algún copos. Pero o mellor estaba por chegar, pois un pouco máis tarde eses poucos copos foron a máis, e os nosos trapalleiros non puideron aguantar as gañas e saíron a xogar un ratiño baixo a nevada.

Desfrutaron moito, descubriron ata que punto a neve está fría e aproveitaron para desexarnos un BO NADAL!!